Hungaria shpalli gjendjen e jashtëzakonshme në dy konte jugore pas hyrjes në fuqi të ligjeve të ashpra që lejojnë ndalimin nga policia të refugjatëve që kalojnë gardhin mbrojtës me Serbinë, dhe dislokimin e ushtrisë përgjatë kufirit.
Policia hungareze njoftoi sot se ka arrestuar 9 sirianë dhe 7 afganë për kalim ilegal të kufirit nga Serbia, duke zbatuar ligjet e reja që kërkojnë frenimin e valës së refugjatëve nga Lindja e Mesme dhe Afrika e Veriut në Europë.
Zëdhënësja e policisë, Viktoria Csiszer-Kovacs, tha se emigrantët e arrestuar dyshohet se kanë dëmtuar gardhin me gjemba e kanë hyrë përmes tij në Hungari.
Prej sot, të gjithë ata që kalojnë kufirin ilegalisht përballen me akuza penale, dhe autoritetet kanë mobilizuar 30 gjykatës të gatshëm që do të procedojnë shkelësit.
Ligjet e reja gjithashtu, veprojnë si për një vepër penale, që dënohet me burg ose me deportim, edhe per dëmtimin e gardhit të lartë katër metra dhe 175 kilometra të gjatë me Serbinë.
Policia ka mbyllur kufirin me Serbinë, duke përforcuar edhe një pikëkalimi hekurudhor ku mbërrijnë pjesa më e madhe e refugjatëve që duan të kalojnë në Hungari nga Serbia.
Skena të tensionuara janë vërejtur rreth gardhit, ndërsa refugjatët kërkojnë një rrugë për të kaluar e të tjerë kanë nisur një protestë ku do të qëndrojnë të ulur aty e nuk do të pranojnë ushqim e ujë derisa të lejohen të kalojnë.
Dislokimi i policisë kufitare me kuaj është vetëm masa e parë pasi parlamenti pritet të miratojë edhe vendosjen e trupave ushtarake. Refugjatët që do të regjistrohen në Hungari, nëse nuk iu jepet azil, do të deportohen në Serbi. /tesheshi.com/
