Hungaria iu përgjigj flakë për flakë kritikave që erdhën nga Parisi një ditë më parë në lidhje me menaxhimin që ky shtet i bën krizës së refugjatëve, duke ndërtuar gardhe mbrojtëse. Autoritetet kundërshtuan kritikën e ministrit të Jashtëm francez, Laurent Fabius i cili tha se telat me gjemba në kufij nuk respektojnë vlerat e përbashkëta europiane.
Hungaria ndodhet në rrugën tranzit të refugjatëve drejt Gjermanisë. Ministri i jashtëm i Hungarisë, Peter Szijjarto, në një përgjigje ndaj Fabius, tha se në vend “të goditjes dhe vlerësimeve të pabaza, dikush do të duhej të përqëndrohej në gjetjen e zgjidhjeve të përbashkëta për Evropën”.
Hungaria është kritikuar për shkak të ndërtimit të gardhit mbrojtjës që duhet të pengojë mijëra migrantë dhe refugjatë nga Siria, Afganistani dhe Afrika Veriore, për të hyrë nga Serbia në Hungari. /tesheshi.com/
