Një rritje e numri të të ardhurve pas evakuimit të kampit të Idomenit ka bërë që autoritetet hungareze të urdhërojnë nisjen e përforcimit të gardhit në kufirin me Serbinë.
“Pas mbylljes së kampit të refugjatëve të Idomenit javën e shkuar, numri i refugjatëve që përpiqen të kapërcejnë pengesën e Hungarisë është rritur,” njoftoi kryekëshilltari i kryeministrit të vendit, Viktor Urban.
Si rezultat, bëri me dije Gyorgy Bakondi, qeveria do të vendosë pengesa të përhershme në ato vende ku telat me gjemba nuk janë të mjaftueshme për t’i mbajtur larg refugjatët.
Pavarësisht mbylljes së kufirit në mes të shkurtit nga shumë vende ballkanike, një pjesë refugjatësh ia kanë dalë të çajnë në rrugën që të çon drejt vendeve të zhvilluara perëndimore.
Rreth 300.000 refugjatë kaluan nëpërmjet Hungarisë vitin e kaluar, për t’u frenuar më pas nga mbyllja e kufirit me Serbinë dhe Kroacinë.
Mes masave të marra për të mos lejuar kalimin e refugjatëve qenë gardhet e ngritura në kufi, kontrollet e shtuara kufitare, të bashkëshoqëruara me një forcim të legjislacionit për hyrjen ilegale në Hungari. Autoritetet e vendit janë të vendosura për të mos lejuar përsëritjen e skenave të një viti më parë. /tesheshi.com/
