Palestinezët u zgjuan të premten në mëngjes për të parë dy murale të mëdha në pjesën e Murit të Aparteidit të Izraelit që kalon nëpër Bethlehem, duke parodizuar Presidentin amerikan, Donald Trump.
Në barrikadat prej betonit të ngritura nga Izraeli rreth pjesëve të Bethlehemit, në Bregun Perëndimor të pushtuar, imazhet gjigante të lyer me llak të Trump-it iu kanë dhënë palestinezëve të kufizuar një relaks komik.
Murali i parë tregon Trump-in me një kapelë të hebrenjve duke e vendosur dorën në mur dhe duke iu drejtuar murit me këto fjalë: “Unë do t’ju ndërtoj një vëlla”. Kjo skenë është marrë nga vizita e Trump në Murin Perëndimor të Jeruzalemit, të cilin hebrenjtë e konsiderojnë si pjesa më e shenjtë e tyre.
Artisti, i cili e quan veten @LushSux dhe për të cilin mediat australiane thonë se vjen nga Melbourne, nuk i është përgjigjur menjëherë kërkesës për koment.
Mural i dytë tregon se si Trump përqafon dhe puth një kullë vrojtimi izraelite të ndërtuar në mur; krahu i tij i majtë që arrin deri te kulla e vrojtimit me zemra të vogla rozë që dalin nga goja e tij.
Të enjten, Washington Post botoi një transkript të një bisede në të cilën Trump ushtron presion ndaj Meksikës, për të mos kundërshtuar publikisht planin e tij për ta paguar murin e kufirit të cilin ai konsideron se është i nevojshëm për të ndaluar imigracionin e paligjshëm në Shtetet e Bashkuara.
“E dini, shikoni Izraelin, Izraeli ka një mur dhe të gjithë i thanë që të mos e ndërtojë murin, ngase muret nuk funksiojnë – 99.9 përqind e njerëzve që përpiqen të kalojnë atë nuk mund t’ia dalin”, i tha Trump presidentit meksikan Enrique Pena Nieto, sipas transkriptit të thirrjes telefonike në janar.
“Bibi Netanjahu më tha se muret funksionojnë“, shtoi ai, duke përdorur nofkën e kryeministrit izraelit Benjamin Netanjahu.
Muri i Bethlehemit është bërë një shfaqje e artit të protestave, duke shprehur frikën e palestinezëve se kjo pengesë prej gardhi dhe betoni e Izraelit në Bregun Perëndimor është një rrëmbim i tokës që mund t’ua mohojë atyre shtetin. Izraelitët e konsiderojnë projektin si një goditje kundër sulmit palestinez.
Wisam Salasaa, pronari i hotelit Walled Off në Betlehem, pikturat e të cilit janë projektuar nga Banksy tha: “Ne nuk mund të japim asnjë informacion (në lidhje me muralet) në këtë kohë”.
Që nga fillimi i ndërtimit të Murit të Izraelit në vitin 2002, shumë artistë palestinezë dhe ndërkombëtarë kanë shfaqur artin e tyre në të, duke protestuar kundër ekzistencës së saj. Palestinezët dhe mbështetësit e tyre në botë shpesh i referohen murit si Muri i Aparteidit, Muri i Ndarjes dhe Muri Racist. Në vitin 2004, Gjykata Ndërkombëtare e Drejtësisë vendosi që ky mur është i paligjshëm dhe duhet të çmontohet. /tesheshi.com/
