Pasi ka dëgjuar deklaratën e nënës së Novak Gjokoviçit, gazetari i njohur britanik Piers Morgan ka komentuar të gjithë situatën “pa qime në gjuhë”.
Nëna e Novakut, Diana, ka treguar se ditët e fundit ka kaluar periudha të vështira për shkak të djalit të saj.
Më në fund Gjokoviçit iu dha një vizë dhe do të ketë të drejtën të performojë në Grand Slam-in e parë të sezonit në Australi dhe familja e tij foli në një konferencë për shtyp për atë që po ndodhte.
“Novak iu nënshtrua torturave dhe keqtrajtimit. Në ditët në vijim do të dëgjojmë më shumë për atë që ai kaloi,” tha Diana Gjokoviç.
Megjithatë, një nga ata që nuk u prek shumë nga e gjithë kjo ishte gazetari britanik Piers Morgan, i cili me ironi komentoi pretendimin e Dianës.
“E mjera! Tingëllon shumë më keq se një injeksion i thjeshtë vaksine që zgjat dy sekonda,” shkroi Morgan në Twitter.
Novak Gjokoviç është kritikuar shumë për qëndrimin e tij ndaj vaksinave dhe shumica e publikut australian u zemërua kur serbi njoftoi për herë të parë se do të udhëtonte në Australi me përjashtim mjekësor.
Kujtojmë se ai është një nga sportistët e paktë që nuk është vaksinuar dhe kështu që nuk u lejua të hyjë në Australi për Grand Slam-in e tij të parë të sezonit këtë muaj. /tesheshi.com/
