Presidenti ukrainas Volodymyr Zelensky tha se 13,000 ushtarë rusë janë vrarë që nga fillimi i sulmit rus në Ukrainë.
Zelensky tha se humbjet e Rusisë në 18 ditë ishin më të mëdha se në luftën në Afganistan, transmeton AA.
Ai tha se u shkatërruan 74 avionë, 86 helikopterë dhe mbi një mijë automjete të blinduara të ushtrisë ruse.
“Ukraina nuk do të dorëzohet kurrë. Ukraina po lufton me guxim,” shtoi Zelensky.
Pra, Moskës po i sillet në kujtesë Afganistani, ferri i saj në vitet ’80, shumë më rëndë se ç’hoqën amerikanët në këtë vend derisa u larguan.
Rezistenca afgane ndaj pushtimit rus këtu e 40 vjet më parë, konsiderohet si ndër faqet më të turpshme të ish-Bashkimit Sovjetik.
Gjithë ajo makinë ushtarake me fuqi globale, nuk mundi dot të nënshtronte një vend shumëfish të vogël. /tesheshi.com/
