Përballja me Izraelin nuk bëri jehonë vetëm për masat e rrepta të sigurisë që nga aeroporti e deri në ambjentet e brendshme të stadiumit “Elbasan Arena”. Humbja e ndeshjes 0:3 në favor të Izraelit u komentua gjerësisht në mediat e huaja. Ajo që bie në sy është fakti se dështimi i ekipit kuqe e zi është analizuar, si rrjedhojë e gabimeve të shqiptarëve, kryesisht të Berishës.
Kështu, SportMediaset thotë: “Rrëzohet Shqipëria në “Elbasan Arena”. Vjen humbja e dytë radhazi në shtëpi, por kjo dhemb më shumë”.
Corriere Dello Sport: “Shqipëria humbet me 9 lojtarë. Pas KO kundër Spanjës, Shqipëria humb përsëri në shtëpi”.
Gazzetta Dello Sport: “Disfatë në shtëpi për De Biazin, Berisha godet me kokë Zahavin”.
AS: “Izraeli mund Shqipërinë dhe mban gjallë kandidaturën. Spanja duhet të bëjë llogaritë me një kundërshtar, i cili mbetet në luftën për një vend në Rusi. Por këtë radhë fitoi falë gabimeve të shqiptarëve që mbyllën ndeshjen me 9 lojtarë”.
Ynet shkruan: “Festë në Elbasan, tani na pret Spanja”, ndërsa Kicker.de: “Izraeli, kombi surprizë?”/tesheshi.com
