Trupi është i furnizuar me minerale, kryesisht nga ushqimi, megjithëse, konsiderohet se plotësimi përmes ujit është shumë i rëndësishëm, për shkak se mineralet nga uji është më lehtë të absorbohen sesa nga ushqimi.
Një gabim tjetër që mund të bëjmë është se kur përmendet uji mineral, ne zakonisht mendojmë për ujin e thartë. Çdo ujë i zakonshëm përmban minerale, disa në masë më të vogël, disa në masë më të madhe.
Shumë studime tregojnë lidhjen midis përqendrimit të mineraleve në ujë dhe shëndetit të njeriut.
Konsumi mineraleve të ujit çon deri te një numër efektesh pozitive fiziologjike. Përbërja e tyre ndryshon në varësi të karakteristikave gjeologjike të terrenit në të cilin ndodhen burimet.
Përveç natriumit, kalciumit dhe magnezit, makroelementet më të zakonshme që janë gjetur në ujërat minerale, përbërës të rëndësishëm janë edhe bikarbonatet. Bikarbonatet në trup ndihmojnë në rregullimin e pH-së, si dhe në tretjen e ushqimit.
Ujërat minerale natyrale, me përmbajtje të ulët të substancave të tretshme minerale, mund të përdoren për rehidratim në sasi të pakufizuar. /tesheshi.com/
