Me humbjen e thellë 5-1 në “Allianz Arena” ndaj Bajernit të Mynihut, skuadra e drejtuar nga francezi Arsene Wenger është pranë eliminimit për të shtatën herë rresht në një të tetat e Champions League-s.
Zërat kundër teknikut të Arsenalit kanë marrë një hov të ri pas këtij turpërimi. Të gjithë kërkojnë largimin e tij, edhe ata që ai i ka patur nën urdhra.
Ish-kapiteni i Arsenalit, Martin Keown thotë se Wenger duhet të shqyrtojë tani të ardhmen e tij, pasi ka arritur pikën më të ulët.
Kurrë nuk e kam parë atë kështu, thotë Lee Dixon, një ish-mbrojtës i “topçinjve”, që sugjeron të njëjtën gjë.
Nga sa mësohet prej BBC-së, vendimi mbi të ardhmen e teknikut 67-vjeçar do të merret në fund të sezonit.
Për Wenger-in ka tashmë një kontratë të re përpara, por pritet që vendimi mbi të ardhmen e tij të merret në mirëkuptim mes klubit dhe teknikut.
Kontrata e tij aktuale mbaron në fund të këtij sezoni, ndërsa ai është në drejtim të Arsenalit që nga viti 1996.
Arsene Wenger ka qenë dëshpërimisht gjatë këtyre viteve në kërkim të një trofeu të Premier League-s; një objektiv i papërmbushur që nga 2004-a. /tesheshi.com/
