Doni dëshpërimisht të humbni peshë? Konsumoni bimët bishtajore dhe më konkretisht fasulet. Sipas një studimi të kohëve të fundit të realizuar në Kanada nga St. Michael’s Hospital në Toronto dhe të publikuar në American Journal of Clinical Nutrition, një porcion i përditshëm me fasule, bizele dhe thjerrëza, ju ndihmon në dobësim.
Sasia e duhur e bimëve bishtajore që duhet të konsumoni është 130 gramë, në mënyrë që të humbisni 340 gramë nga pesha juaj çdo ditë.
Kërkimi bazohet në disa studime ekzistuese, të cilat kanë evidentuar se si ata persona që hanë bimë bishtajore janë më të kënaqur sesa ata që ndjekin një dietë të kontrolluar, duke pasur kështu edhe avantazhin e pasjes nën kontroll të nivelit të kolisterolit, duke e ulur atë me 5%.
Një karakteristikë e këtij ushqimi është se ju mund të humbni peshë duke evituar rifitimin e saj gjatë ditëve në vijim. Studimi është realizuar mbi 940 perona të rritur, femra dhe meshkuj. Asnjëri prej tyre nuk ka treguar se ka ndaluar konsumin e ushqimeve të tjera, ndërsa është vënë re humbja e ngadaltë e peshës. Siç duket, këto bishtajore janë në gjendje të heqin deri në një të tretën e oreksit.
Nëse nuk e dinit, bimët bishtajore janë një aleat shumë i mirë edhe për bukurinë, veçse për shëndetin. Janë të pasura me fibra, proteina dhe zëvendësojnë shumë mirë një pjatë me mish. /tesheshi.com/
