Apple është duke u përgatitur për të paguar 400 milion dollarë (271 milionë euro) për një numër të madh të njerëzve të zakonshëm, pasi humbi një betejë të gjatë gjyqësore mbi rritjen e çmimeve të librave elektronikë.
Gjiganti i teknologjisë, është urdhëruar që t’ia paguajë një shumë të konsiderueshme parash njerëzve të cilët kanë blerë libra nga Apple. Paratë kesh, do të vendosen nëpër llogaritë e konsumatorëve në Amazon, Kobo dhe Barnes & Noble, raporton The Sun.
Në vitin 2014, një gjykatë amerikane akuzoi Apple dhe disa botues që kishin “komplotuar për të kufizuar tregtinë”.
Gjykata tha se: “avokatët e Apple dhe drejtuesit e saj më të lartë kanë orkestruar një skemë për rritjen e çmimeve me mospërfillje flagrante të kërkesave të ligjit”.
Apple u përpoq për të apeluar, por përpjekjet e tyre ishin mohuar herët këtë vit dhe Gjykata e Apelit të SHBA-ve e ka pohuar vendimin se Apple kishte bërë komplot për të rritur çmimet e librave elektronike”. /tesheshi.com/
