Bundesliga ka patur një javë shumë dramatike për shkak të rezultateve të së shtunës. Bayern ka humbur sërish në transfertën me një prej skuadrave që e ka si mace të zezë, siç është Borusia Moenchgladbach. Bavarezët kanë humbur 2-1, duke pësuar humbjen e parë që nga dita kur trajneri Jupp Heyckens rimori drejtimin e skuadrës. Edhe pse me 5 mungesa në formacion, Bayern nuk ka qenë ai agresivi i javëve të mëparshme, ndërsa kundërshtari është mbrojtur me kujdes, duke kundërsulmuar rrezikshëm. Në një sulm të tillë, mbrojtësi Sule prek topin me dorë brenda zonës, duke shkaktuar penallti. Torgen Hazard dërgon topin në rrjetë, edhe pse portieri Ulreich e prek topin. Pa u mbyllur pjesa e parë, Gladbach shënon edhe golin e dytë me Ginter. Në pjesën e dytë bavarezët u përpoqën të sulmojnë, por vetem në minutën e 74-t shënuan gol, me autor Vidal. Pas golit, kampionët u përpoqën të barazonin, por pa ia arritur dot.
Një tjetër ndeshje e çmendur ishte dhe derbi i Ruhrit, siç njihet përballja mes Borusia Dordmund dhe Shalke 04. Verdh e zinjtë e nisin në mënyrë fantastike ndeshjen, duke shokuar kundërshtarin, e duke shënuar 4 gola, me Aubameyang, Gotze, Guerrero dhe një autogol. Shalke është në tapet, por në pjesën e dytë, “marrin shiringën” e duhur psikologjike dhe hyjnë me vrull tjetër. Burkstaller, autogol, Caliguri dhe në fund Naldo, janë autorët e 4 golave rradhazi, të cilët “u asistuan” edhe nga kartoni i kuq që mori Aubameyang. Në fund 4-4, me Shalken që tentoi edhe fitoren në fund të ndeshjes. Fitore të pastër arriti edhe Lejpzig, që mundi 2-0 Ëerder Bremen, me gola të Keita dhe Bernard.
Në tabelën e klasifikimit, Bayern udhëheq me 3 pikë më shumë se Lejpzig që ka marrë vendin e dytë. Në vend të tretë ngjitet Borusia Moencgegladbach, e më pas, Shalke e Dordmund. /tesheshi.com/
