Ministrja e Mbrojtjes Mimi Kodheli i ka propozuar presidentit të Republikës, Bujar Nishani, dhënien e “Dekoratës së artë të Shqiponjës” (pas vdekjes), për kapiten Floran Delia dhe toger Donald Hoxha me motivacionin: “Për veprimtari ose akte të guximit qytetar në kohë paqeje”.
Propozimi i ministres Kodheli vjen pas vendimit të marrë për t’i shpallur pilotët “Dëshmorë të Atdheut”.
Në propozimin dërguar presidentit të Republikës thuhet se kapiten Floran Jahja Delia dhe toger Donald Vesel Hoxha, kanë qenë ushtarakë të devotshëm, pilotë të talentuar dhe gjithmonë të gatshëm të sakrifikojnë për të tjerët. /tesheshi.com/
