Ministri i Shëndetësisë i Tunizisë. Slim Shaker ka vdekur nga një atak në zemër, ndërsa ishte duke vrapuar në maratonën që është organizuar për të mbledhur fonde në luftën kundër kancerit.
Ministri 56-vjeçar ka vrapuar 500 metra në maratonë, të cilën e organizonte një shoqëri për mbledhjen e parave për ndërtimin e spitalit për fëmijë që vuajnë nga kanceri, bën të ditur Ministria e Shëndetësisë.
Ministri është dërguar në spital, por pa mundur të mbijetojë.
“Kam humbur vëllain dhe kolegun” ka shkruar në Facebook, kryeministri i Tunizisë, Jusuf Shahed, duke shtuar se “ai vdiq, ndërsa po kryente një akt humanitar”. /tesheshi.com/
