Presidenti Meta është shfaqur i “trembur” nga koronavirusi, që pas lajmit se është shfaqur një rast dhe në Italinë fqinje. Duke ndjekur modelin paralajmërues për tërmetin, atë të verës që shkoi, Meta thotë se dhe Shqipëria është e rrezikuar.
“Është e rëndësishme të theksohet se çdo nënvlerësim mund të jetë me pasoja kritike, ndërsa këshilloj shtimin e masave parandaluese. Duke pasur parasysh rastet në vendet fqinje siç është Italia, ne jemi seriozisht të ekspozuar dhe duhet të parandalojmë deportimin e këtij virusi në vendin tonë. Ne i kemi të gjitha mundësitë për ta parandaluar nëse të gjthë i bëjnë detyrat e tyre ashtu si bëmë me SARS-in 16 vite më parë”, shprehet kreu i shtetit.
Pak më parë, ishte ministrja e Shëndetësisë Ogerta Manastirrlliu, e cila tha se Shqipëria nuk është e rrezikuar, porse po merren masa si çdokund në botë.
“Plani i masave që ne po zbatojmë që përfshinë nivele të caktuar veprimesh sipas shkallë së rrezikshmërisë sepse ne jemi vend me rrezikshmëri të ulët, bazohet në atë plan masash që deri dje janë marrë në raport me kontrollin në të gjitha pikat e kalimit kufitar”, nga ministrja Manastirlliu. /tesheshi.com/
