Dy irakianë kanë vdekur nga hipotermia në kufirin midis Bullgarisë dhe Turqisë pasi janë rrahur nga kufitarët bullgar gjatë tentativës së tyre të hyjnë në Bullgari, bëri të ditur organizata “Human rights watch” (HRW). Dy burrat ishin pjesë e grupit më të madh të refugjatëve. Para një viti HRW dokumentoi 44 incidente me së paku 519 veta – sirianë dhe afganë , të cilët ishin ndalur dhe ishin kthyer nga kufitarët bullgarë. ”Bullgaria shkel të drejtën evropiane dhe ndërkombëtare, duke refuzuar mundësinë e marrjes së strehimit” – komentojnë nga organizata. Bullgaria refuzon të ketë kthyer refugjatë dhe i përkufizon këto akuza si “gënjeshtra”.
