Pothuajse dy të tretat e gjermanëve besojnë se Presidenti amerikan Donald Trump është një kërcënim më i madh për paqen botërore sesa presidenti rus Vladimir Putin, sipas një studimi të publikuar në prag të takimit të tyre në Helsinki.
Ata do të takohen në kryeqytetin finlandez në bisedimet e shumëpritura që synojnë forcimin e marrëdhënieve midis këtyre dy fuqive botërore.
Shumica e 2,052 të anketuarve në anketën e YouGov, një institut ndërkombëtar për hulumtim të opinionit publik në Britani, thonë se Putin është më simpatik, më kompetent dhe më i fuqishëm se Trump.
Anketa gjithashtu tregoi se shumica e njerëzve e konsiderojnë Putin si më të fuqishëm (43 kundrejt 25 përqind), edhe pse Shtetet e Bashkuara janë fuqi ushtarake dhe ekonomike më e fuqishme se Rusia.
Shumica (64 përqind e të anketuarve) mendojnë se Trump është një kërcënim më i madh për paqen botërore sesa Putin (16 përqind). /tesheshi.com/
