Në periudhën e fundit 10-vjeçare, nga Maqedonia në mënyrë ilegale janë nxjerë 5.2 miliard dollarë, tregon hulumtimi i “Global Financial Integrity”, i cili vendin e randit në pozitën e 79-të, për sa i përket parave ilegale të nxjerra jashtë shtetit, me një mesatare prej 521 milion dollarë në vit.
Në bazë të hulumtimit të zhvilluar nga viti 2003 deri 2012 , më së shumti para ilegale janë nxjerë jashtë shtetit në vitin 2008, afro 928 milion dollarë, ndërsa në vitin 2011-të, afro 852 milion dollarë.
Dalja e këtyre informacioneve në opinion është bërë pasi më herët BE i kërkoi qeverisë zvicerane që t’i publikojë emrat e shtetasve të huaj të cilët kanë hapur llogari në bankat zvicerane, pasi të njëjtit dyshohen për evazion fiskal.
Së fundmi, Zvicra miratoi masa të veçanta për këtë, për çka filloi të publikojë emrat e shtetasve të huaj, veçanërisht atyre gjermanë, për të cilët dyshohet se i janë shmangur tatimit nëpërmjet llogarive të hapura në bankat zvicerane.
Hulumtimi tregoi se në degën zvicerane të bankës britanike HSBC, e cila ka ndihmuar klientët e pasur që të shmangin tatimin duke fshehur miliona dollarë, ka nëntë klientë nga Maqedonia, të cilët në 15 llogari bankare ruajnë 164 milion dollarë (disa me pasaportë të Maqedonisë e disa me shtetësi të Maqedonisë).
Ajo që bie në sy është e dhëna se vetëm në një llogari, një person nga Maqedonia ka 54.6 milion dollarë.
Kush duhet të jetë ky?! Dhe cilët janë ata pra, që kanë kanë llogari bankare në shuma të jashtëzakonshme në Zvicër, me ç`shkak dhe shteti i kanë sjellë një dëm të jashtëzakonshëm me evasion fiskal?! Duke parë zhvillimet politike, nuk është e vështirë të merret me mend. Mjafton të thuhet se patjetër qa ka lidhje me pushtetin aktual. Biznesmen i lidhur me politikën, apo politikan biznesmen, këtë do e sqarojë koha.
Përgatiti Bekim Laci- /tesheshi.com/
