Ngritja e mediave sociale ka bërë që të jemi më të lidhur se asnjëherë më parë. Sidoqoftë, varësia jonë nga mediat sociale mund të ketë një efekt të dëmshëm në shëndetin mendor, dhe raportet e hulumtimeve flasin më mirë.
Një person që përdor mediat sociale mesatarisht kontrollon telefonin e më shumë 28 herë në ditë.
Ndërsa platformat e mediave sociale mund të kenë përfitimet e tyre, përdorimi i tyre shumë shpesh mund t’ju bëjë të ndjeheni gjithnjë e më të pakënaqur dhe më të izoluar në plan afatgjatë.
Editimi dhe rregullimi i fotove që paraqiten si të përsosura në Instagram ulin vetëvlerësimin e shumë njerëzve, një problem ky mjaft i shprehur.
Sipas një hulumtimi të publikuar në Independent Lifestyle, ka katër mënyra se si mediat sociale ndikojnë negativisht në shëndetin tuaj mendor, madje pa e kuptuar:
Vetëvlerësimi
Të gjithë kemi pasiguri, disa flasim hapur dhe disa i ruajnë për vete.
Sidoqoftë, të krahasosh veten me të tjerët në mediat sociale nuk ndikon aspak mirë në shëndetin mendor. Kjo ndikon edhe te familjet që përballen me divorce apo lidhje jostabile. Çdo foto e “përsosur” e jetës në çift ndikon që të prekurit nga e kundërta të përballen me zhgënjim dhe mungesë vetëvlerësimi. .
Lidhjet njerëzore
Si qenie njerëzore, është shumë e rëndësishme për ne që të jemi në gjendje të komunikojmë dhe të krijojmë lidhje personale me njëri-tjetrin.
Sidoqoftë, mund të jetë e vështirë për ta bërë këtë kur jemi ngjitur në ekran.
Kujtimet
Media sociale mund të jetë e shkëlqyeshme për të ruajtur kujtimet dhe për të rrëfyer sesi ndodhën ngjarjet.
Sidoqoftë, ato shtrembërojë mënyrën e përjetimit të kujtimeve.
Gjumi
Të bësh gjumë të mjaftueshëm ka një rëndësi të madhe.
Sidoqoftë, shumë prej nesh përdorin telefonat duke luftuar me gjumin dhe duke çrregulluar orën biologjike. Pasojat? Ankth, lodhje dhe depresion. /tesheshi.com/
