Shkalla e vdekjes në mesin e pacientëve që “përfundojnë” në kujdesin intensiv për shkak të infeksionit COVID-19 ka rënë ndjeshëm që nga fillimi i pandemisë falë përparimeve në trajtim, ka zbuluar një studim i ri.
Pjesa e atyre që vdiqën si rezultat i COVID-19 ra nga 60 përqind, kur u shfaq për herë të parë në fillim të vitit të kaluar, në 36 përqind deri në tetor, tregoi një studim i trendeve globale.
Rënia vazhdon trendin pozitiv të parë kur niveli i vdekjeve në fund të majit ishte 42 përqind, sipas studimit, shkruan The Guardian.
Gjetjet, bazuar në 52 studime në të gjithë botën, në të cilat morën pjesë 43,128 pacientë, u botuan në revistën mjekësore Anestezi.
Pesë autorë britanikë, të gjithë specialistë të NHS për kujdes intensiv ose anestezi, u drejtuan nga prof. Tim Cook, një specialist i vlerësuar shumë i kujdesit intensiv që punon në Spitalin e Përbashkët Mbretëror në Bath.
Mjekët që morën pjesë në studim paralajmërojnë se është bërë përparim i madh kur bëhet fjalë për vdekshmërinë nga COVID-19, e cila mund të ketë arritur kulmin.
Por shfaqja e varianteve të reja të koronavirusit mund të rrisë shkallën e vdekjes, thonë ata.
Po kështu, një program vaksinimi në të gjithë botën mund të zvogëlojë numrin e atyre që kanë nevojë për kujdes intensiv.
Në këtë analizë të dytë të trendeve globale të numrit të vdekjeve pavarësisht kujdesit intensiv, autorët deklaruan se vdekshmëria në të gjitha studimet ishte më e ulët në fund të shtatorit (35.5%) sesa kur ishte në fund të majit (41.6%).
Ky përmirësim është për shkak të përdorimit më të madh të steroideve të tilla si dexamethasone dhe ndryshimeve në mënyrën se si pacientët me COVID-19 marrin terapi me oksigjen dhe lëngje dhe si menaxhohet rreziku i mpiksjes së gjakut.
Autorët zbuluan se vdekshmëria në shumicën e rajoneve të botës tani qëndron në 30-40 për qind. Për shembull, mesatarja në Evropë është 33.4 përqind, dhe në Amerikën e Veriut 40 përqind. Ndërsa vdekshmëria në shtetin australian të Victoria-s, që përfshin Melburnin, është jashtëzakonisht e ulët, me 11 përqind, ndërsa në Lindjen e Mesme është jashtëzakonisht e lartë, me 62 përqind. /tesheshi.com/
