Një grup maqedonasish kanë sulmuar të rinjtë shqiptarë në qytetin e Kumanovës.
Siç bëjnë të ditur mediat e Shkupit, 40 të rinj maqedonas, të cilët qëndrojnë në rrugën “Bajram Shabani” dhe në afërsi të lagjes “Serava”, e cila njihet si vijë ndarëse mes lagjeve të banuara me shqiptarë dhe atyre me maqedonas, kanë sulmuar një grup shqiptarësh me mjete të forta.
Policia në Kumanovë ka pohuar se janë vënë në kërkim të këtij grupi dhe se njësitet civile po lëvizin në këtë zonë. Megjithatë, deri më tani nuk ka pasur asnjë informacion për kapjen e këtyre personave.
Thuhet se ky grup huliganësh po përdoret nga dikush tjetër për të larguar vëmendjen nga problemet aktuale në këtë vend. /tesheshi.com/
