Komisioni Shëndetësor i Hubeit ka njoftuar se do të heqë të gjitha kufizimet e udhëtimit për mbërritjet dhe nisjet për në provincë duke filluar nga e mërkura, 25 mars, përveç në kryeqytetin krahinor Wuhan, i cili ishte burimi i pandemisë së koronarvirusit, raporton Reuters.
Të gjitha kufizimet do të zbatohen për Wuhan-in deri në 8 prill, kur ndalimi i largimit nga qyteti do të hiqet me kusht që njerëzit të deklarohen të shëndetshëm, tha komisioni në një deklaratë.
Shkollat mbesin të mbyllura deri në njoftimin e mëtejshëm.
Wuhan-i ka qenë në izolim që nga 23 janari. Do të duhen 14 ditë pa infeksione të reja për të hequr kufizimet e lëvizjes.
Të hënën u njoftua se nuk ishin konfirmuar infeksione të reja në qytet për të katërtën ditë radhazi.
Kina raportoi 41 raste të reja infektive të shtunën, të gjitha nga jashtë, si dhe shtatë vdekje të tjera, gjashtë prej të cilave në Wuhan.
Në Kinë, më shumë se 81,000 raste u testuan pozitive për dhe pati më shumë se 3.250 vdekje. /tesheshi.com/
