Grupi kinez i telekomunikacionit Huawei është duke punuar për të prodhuar komponentë për pajisjet e tij në Evropë, raporton AFP.
Lajmi vjen në një kohë kur lideri në 5G është duke luftuar për të përballuar sanksionet e SHBA, njoftoi agjensia franceze, duke cituar portalin e biznesit Business Info.
“Ne planifikojmë të prodhojmë komponentët tanë në një vend në Evropë në të ardhmen. Ne jemi duke bërë një studim fizibiliteti për të hapur një fabrikë në Evropë, dhe zgjedhja e vendit do të varet nga ai studim”, tha kryetari i grupit Liang Hua.
Edhe pse agjensia nuk specifikon një afat kohor për këtë investim, Liang tha “kjo mund të ndodhë shumë shpejt”.
Huawei është bërë një lojtar kryesor në infrastrukturën 5G dhe prodhuesi i dytë më i madh i smartphone-ve në botë pas Samsung Electronics, që kur u themelua në 1987 nga ish-inxhinieri ushtarak kinez Ren Zhengfei.
Presidenti amerikan Donald Trump ka porositur kompanitë amerikane që të ndërpresin biznesin me Huawei, por gjigandi kinez kundërshton me vendosmëri se është një “mjet” i inteligjencës kineze. /tesheshi.com/
