Egjipti ka shembur shtëpitë e 3200 familjeve në gadishullin e Sinait në shkelje të ligjit ndërkombëtar, thotë Human Rights Watch.
Ushtria ka shkatërruar shtëpitë që ndodhen përgjatë kufirit me rripin e Gazës për të krijuar një zonë neutrale dhe për të eleminuar tunelet nga të cilat zhvillohet kontrabandë.
Shembjet kanë nisur në vitin 2013 pas një rritje të sulmeve nga militantët. Por, banorët e shpërngulur nga shtëpitë e shembura nuk kanë pasur paralajmërimin e duhur në kohë, as strehim të përkohshëm dhe as kompensimin e duhur.
Human Rights Watch thotë gjithashtu se ushtria duket se nuk ka përdorur teknologjinë që zotëron në shembjen e tuneleve që lidhin me Gazën.
Qeveria e Kajros nuk ka bërë komente në lidhje me raportin.
Deri tani, ushtria ka shkatërruar gati të gjjitha ndërtesat dhe tokën bujqësore 1 kilometër nga kufiri me Gazën në veri të Sinait, duke përdorur eksplozivë të pakontrolluar dhe që sjellin dridhje të tokës, kjo sipas imazheve satelitore.
Me raste, edhe shtëpitë që shtriheshin më larg se 1 kilometër nga kufiri, janë shkatërruar.
Egjipti synon të pastrojë një zonë prej 79 kilometrash katrorë në kufirn me Gazën, përfshirë edhe të qytetin e Rafah, që ka një popullsi prej 78 mijë njerëzish. Kështu deklaron në raport organizata e të Drejtave të Njeriut. /tesheshi.com/
