Kryetari i Prishtinës, Shpend Ahmeti ka reaguar pas deklaratës së bërë nga kreu i LDK-së, Isa Musafa, i cili tha se VV ka bërë propagandë gjatë 4 viteve në Prishtinë.
Ahmeti ka demantuar Mustafën duke thënë se nuk janë 70 dosje dhe se sipas tij edhe me dashtë me i heqë dosjet nuk munden me saju ndërtesa që janë në ato dosje.
“Në fakt nuk muj me i saju 46000 ndërtimet pa leje tuajat, te Shefkiut e Agimit. Nuk muj me i saju tjetërsimet e pronave, e nuk mundem me i saju dallaveret në tenderë. Kësaj do të ja shtoj edhe paditë personale për shpifje që po i bën për çdo ditë por tash prej llogarisë tuaj të facebookut e jo përmes portaleve të paguara me pare të qeverisë”, thuhet në reagimin e Ahmetit.
Madje ai i bën ftesë Mustafës për debat televiziv të flasin për qeverisjet në kryqytet.
“Por për të gjitha këto, meqenëse Abrashit ka probleme shëndetësore me dhëmbë, po ju ftoj në debat një me një, ku flasim për secilen prej atyre dosjeve, për kompanitë e ndryshme që na i lat objektet me probleme ende pa u përfundu, për Ligjin për Prishtinën e për Pallatin e Rinisë. E kaluara juaj nuk bën të kthehet asnjëherë në Prishtinë, kjo është e qartë tash”, thotë Ahmeti. /tesheshi.com/
