Situata e tensionuar dhe kërcënimi i bërë nga Serbia për luftë, ka bërë që kryediplomati kosovar, Enver Hoxhaj të zhvillojë snjë takim me ambasadorët e SHBA-së, Gjermanisë, Britanisë së Madhe, Francës dhe Italisë, shefen e zyrës së BE-së në Kosovë, Nataliya Apostolova dhe shefen e EULEX-it, Alexandra Papadopoulou.
Kreu i diplomacisë kosovare shprehu brengën për provokimet e shtetit serb, me ç’rast ka thënë se “treni propagandues nuk është ngjarje e izoluar por pjesë e një politike agresive serbe dhe të zgjeruar në raport me Kosovën”.
Por sipas tij, “Kosova do t’i përgjigjet kësaj politike të papranueshme për mbrojtur sovranitetin dhe integritetin territorial”.
Por nga ana tjetër, Hoxhaj, në postimin e bërë në Facebook, nuk njofton se çfarë i kanë thënë diplomatët e huaj për shqetësimet që ka ngritur. /tesheshi.com/
