Eduart Thartori, një hoxhë nga Kavaja, ka nisur një fushatë individuale për shpërndarje të ujit falas në vende publike, ku njerëz të ndryshëm mund të shuajnë etjen në këto ditë të nxehti me temperatura të larta.
Këtë inisiativë humane ai po e promovon dhe në rrjete sociale, duke shpresuar që ky akt të shndërrohet në një trend bamirësie, humaniteti dhe solidariteti.
“Ftesë
Dhuro një ujë të ftohtë për njerëzit
Thirrje krejt miqve të mij online!
Bashkohuni me mua në projektin e shpërndarjes së Ujit Falas për njerëzit në rrugët e Tiranës (sipas mundësisë edhe në qytete të tjera)
1 bidon ujë i ftohtë kushton 30 lekë (20 cent),
Ato mund të shpërndahen nëpër kryqëzimet e rrugëve ku ka edhe njerëz që i ka zënë vapa dhe etja. Pleq e plaka, fëmijë dhe gra, dhe cilido i pasur ose i varfër, sadakaja shkon njësoj…
…unë e kam nisur individualisht, si të doni bashkohuni me mua”, shkruan Eduart Thartori, një individ i panjohur për publikun, por që në këtë rast ka vendosur të bëjë protagonistin publik në funksion të solidaritetit social. /tesheshi.com/
