Benedikt Howedes i është bashkuar zyrtarisht Juventusit duke u huazuar nga Schalke 04.
29-vjeçari iu nënshtrua testeve mjekësore mëngjesin e të mërkurës dhe pastaj nënshkroi për Zonjën e Vjetër.
Bianconerët e kanë opsionin e blerjes për një shumë që në total do të shkonte në 15 milionë euro (duke përfshirë edhe shumën e huazimit dhe bonuset).
Juve duhet të paguajë 3.5 milionë euro për huazimin, ndërsa nga 1 korriku i vitit të ardhshëm e ka opsionin e blerjes.
Ndërkaq, nëse Howedes regjistron më shumë se 25 paraqitje gjatë sezonit 2017/2018, atëherë Bianconerët do të detyrohen ta blejnë. /tesheshi.com/
