Fraza “Shtëpia e Gucci” mund të sjellë në mendje librin ose filmin, por në zemrën ekskluzive rezidenciale të Romës ka fjalë për fjalë një shtëpi që është ndërtuar dhe është ende në pronësi të trashëgimtarëve të familjes Gucci. Tashmë ajo është në shitje.
Villa Gucci në Romë ndodhet në Via della Camilluccia, një nga rrugët më prestigjioze të banimit në veri të qytetit.
Trashëgimtarët e ish-kryetarit të shtëpisë italiane të modës po heqin dy nga vilat e vjetra të familjes në zemër të Romës. Zona prej dy hektarësh e gjysmë, e vendosur rreth 10 minuta nga qendra historike e qytetit, përfshin dy vila luksoze dhe një pishinë të madhe, të cilat janë në treg për një vlerë totale prej 15 milionë euro, që është rreth 16 milionë dollarë.
Prona është rinovuar në vitet 1990 dhe ka një park prej rreth 7,000 m2. Në total, prona është e rrethuar
me rreth 10,000 m2 park. Pas një porte private është një hyrje madhështore kryesore e rrethuar me pemë në fund të së cilës ndodhet vila e parë kryesore. Poshtë kopshtit të madh me hyrje të veçantë ndodhet një vilë e dytë që ka nevojë për rinovim.
Aldo Gucci, i cili ishte zhvendosur në Romë nga Firence për të ndjekur zgjerimin e biznesit familjar, filloi ndërtimin e vilës në fund të viteve 1940, e cila përfundoi në vitin 1951. Aldo Gucci, më i madhi nga pesë fëmijët e Aida Calvelli dhe Guccio Gucci, ishte kryetar i Gucci-t nga 1953 deri në 1986.
Prona është frymëzuar nga një përzierje e stilit anglez me prekjet toskane. Dhe ngaqë gruaja e Aldo
Gucci-t, Olëen Price, ka lindur në Britaninë e Madhe, aty ka dritare tipike me hark dhe dekorime të tjera tipike në dy fasadat e shtëpisë.
Vila e dytë, e aksesuar nga Via Pecori Giraldi, u ndërtua gjithashtu nga Aldo Gucci në fillim të viteve 1960 për një nga djemtë e tij. Dy vilat i përkasin familjes Gucci prej shumë vitesh dhe tashmë trashëgimtarët kanë vendosur të gjejnë një blerës që do të jetë në gjendje t’i japë një frymë të re pronës, duke rritur vlerën e saj. /tesheshi.com/
