Një ditë pasi hoqi reprocitetin me Serbinë, një masë e vënë nga Albin Kurti, pasardhësi i tij Abdullah Hoti morri vendim për hapje të plotë të kufirit me Shqipërinë; që do të thotë, pa karantinim, siç qeveria “Kurti” e kishte kushtëzuar.
Ministri i ri Shëndetësisë Armend Zemaj, kumtoi:
“Që nga dita e hënë, propozoj që qytetarët që hyjnë në Kosovë nuk do t’i nënshtrohen vetëizolimit dhe në vend të testimit për ata që hyjnë, do të jetë kontrolli i detajuar. Më lejoni të ju njoftoj që nga dita e hënë hiqet edhe kufizimi i lëvizjes nga ora 05:00 deri në ora 21:00. Kërkojmë që të zbatohen me përpikëri rekomandimet”, theksoi Zemaj, pa specifikuar se bëhet fjalë për shtetasit nga Shqipëria.
Masën karantinuese të kabinetit “Kurti”, përfshirë dhe një taksë dezifektimi për automjetet me targa të Shqipërisë, por që u hoq pas dy ditësh në fuqi, kryeministri Rama e cilësoi si “të çuditshëm”. /tesheshi.com/
