Kryeministri reagoi ndaj deklarimeve të Vuçiçit në Beograd, sipas së cilit, për Kosovën do diskutihet e vendoset vetëm pas 2020-s. Apo më saktë, se Serbia ajo nuk do e njoh Kosovën derisa për këtë të vendosë populli.
“Deklaratat se fqinji ynë verior nuk do ta njohë pavarësinë e Kosovës nuk i kontribuojnë dialogut.
Dialogu ka rifilluar mbi parime të qarta për marrëveshje përfundimtare për normalizim të marrëdhënieve dhe njohje reciproke, dhe nuk do të ketë marrëveshje të pjesshme.
Nëse nuk do të ketë njohje reciproke, atëherë nuk do të ketë as marrëveshje”, shkroi Hoti në rrjete.
Siç u shpreh Hoti, “Kosova mbetet e përkushtuar që të gjitha çështjet e hapura me Serbinë të përmbyllen përmes dialogut, i cili po zhvillohet në Bruksel, me ndërmjetësimin e BE-së”. /tesheshi.com/
.
