Kryeministri Hoti tha se do e respektojë vendimin e Gjykatës Kushtetuese të Kosovës, e cila e quajti qeveriën e tij jolegjitime për shkak të një problem ligjor në procesin e votimit në parlament, këtu e pak muaj më parë.
“Vendimi i Gjykatës Kushtetuese bërë publike, e pranojë plotësisht këtë vendim dhe do ta respektojë pa asnjë diskutim. S’do të fare të flas mbi këtë vendim.
Më lejoni të ju them që Kushtetuesja e ka sqaruar që vendimet e Qeverisë mbetën në fuqi dhe qeveria do të mbetet në detyrë deri në zgjedhje.
Do të vazhdojmë të kryejmë punë në bazë të Kushtetutës dhe Ligjeve.
Është obligim për procedurat për shpalljen e zgjedhjeve brenda afatit kushtetues. Do t’i kryejmë obligimet në rrethana të reja”, tha Hoti në një dalje për mediat.
Por ai pati një kërkesë: “Sot kam pasur një takim edhe me komunitetin e biznesit, për të diskutuar masat që kemi në votim në Qeveri dhe ka qenë kërkesë edhe e atyre, që buxheti të miratohet sa më parë, duke qenë se pakoja për rimëkëmbje ekonomike është e lidhur me këtë buxhet”, tha Hoti.
“Bashkë me këtë buxhet (janë) edhe disa marrëveshje ndërkombëtare, sepse një pjesë e buxhetit, sidomos në shëndetësi, bazohet në disa marrëveshje ndërkombëtare që i kemi të nënshkruara dhe presin miratimin në Kuvend”, tha Hoti në një konferencë për media në Prishtinë.
Tashmë Kosova duhet të shkojë në zgjedhje në pak më shumë se një muaj, e për këtë, presidentja në detyrë Vjosa Osmani nisi konsultimet me partitë politike për caktimin e një date zgjedhjesh. /tesheshi.com/
