Lëvizja Vetëvendosje ka kohë që ka paralajmëruar se nëse vije në pushtet prioritet do ketë pastrimin e sistemit të drejtësisë dhe nxjerrjen e ligjeve që mundësojnë konfiskimin e pasurisë së krijuar nga politikanët në mënyrë të paligjshme.
Një premtim të tillë e ka bërë edhe kandidati për kryeministër nga LDK-AKR-Alternativa, Avdullah Hoti, në Mitrovicë ku ka thënë se koalicioni të cilit ai i prin, në qeveri do ta pavarësojë sistemin e drejtësisë, do ta nxjerrë ligjin për konfiskimin e pasurive të paligjshme dhe ajo do t’u kthehet qytetarëve.
Ndryshe ligji anti-mafia u iniciua rreth shtatë vjet më parë nga ish-kryeministri Thaçi, përmes së cilit do të rregullohej çështja e përfitimeve të pasurisë në mënyrë të paligjshme dhe rrjedhimisht do të luftohej korrupsioni dhe krimi i organizuar, nuk u jetësua asnjëherë. /tesheshi.com/
