Kryeministri Avdullah Hoti kërcënoi të rikthejë reprocitetin e Kurtit, anulluar prej tij që në “orët e para” në dëtyrë, nëse sipas tij dialogu në Uashington nuk do japë efektet e pritshme.
“Ne i kemi hapur rrugë dialogut duke i anuluar vendimet e qeverisë së kaluar që shiheshin nga partnerët ndërkombëtar pë rifillimin e dialogut. Askush nga partnerët politikë dhe ata ndërkombëtarë nuk ka pritur që në ditët e para të marrë ato vendime.
Kam një dakordim me partnerët ndërkombëtarë, që nëse s’ka përparim në dialog, ne e ruajmë të drejtën tonë si shtet sovran për të zbatuar të gjitha ligjet për reciprocitet në përputhje me konventat ndërkombëtare karshi një vendi që s’njeh shtetin tonë.
Në frymën e kësaj, ka qenë edhe dakordimi që deri më 27 qershor, ne të pauzojmë nga dorëzimi i aplikacioneve për anëtarësim në organizata ndërkombëtare”, deklaroi Hoti në një diskutim për platformën e dialogut me mediat dhe organizatat e shoqërisë civile të organizuar nga Instituti Demokratik i Kosovës.
Kujtojmë se synimi i Prishtinës është që të marrë njohjen nga dialogu, por që Beogradi po përbetohet se kjo nuk do të ndodhë. /tesheshi.com/
