Kryeministri Hoti ka ftuar pararadhësin e tij Kurti që të jetë i pranishëm në diskutimet qeveritare në lidhje me dialogun e pritshëm me Beogradin.
“Në selinë qendrore të Lëvizjes VETËVENDOSJE! kemi pranuar një letër para dy ditësh ku ftohej Kryetari i LVV, Albin Kurti që të diskutojë me qeverinë aktuale për dialogun e ardhshëm me Serbinë”, nga Arlind Manxhuka nga selia e VV.
Por siç është bërë e qartë, Kurti nuk do i përgjigjet kësaj ftese, shoqëruar ky refuzim me arsyetimin e mëposhtëm.
“Një qeveri e varur dhe mundësuar nga votat e Listës Serbe dhe e formuar nga Thaçi e për të si dhe një qeveri që ia heq shtetit të Kosovës reciprocitetin me Serbinë nuk ka as kredibilitet as legjitimitet. Prandaj ne nuk i jemi përgjigjur asaj ftese sepse nuk do të jemi pjesë të këtyre takimeve”, tha Manxhuka. /tesheshi.com/
