Kaosi mbretëroi në Westminster Hall të premten mbrëma, kur një burrë shkoi drejt arkivolit të Mbretëreshës Elizabeth dhe e preku atë, duke nxitur sigurimin ta frenonte dhe policinë ta arrestonte.
Episodi ndodhi rreth orës 22:00 (me orën lokale) përpara dhjetëra njerëzve që ishin në radhë për t’i bërë nderimet e tyre Elizabeth-it.
Burri doli nga rreshti, ngjiti shkallët dhe preku arkivolin përpara se të merrej në paraburgim nga Policia Metropolitane, raportoi Guardian.
Pamjet nga transmetimi i ceremonisë zyrtare tregojnë oficerët e sigurisë duke e neutralizuar të dyshuarin në tokë.
“Drejtoria e Mbrojtjes Parlamentare dhe Diplomatike arrestoi një burrë në dhomën e Ëestminster-it pas një trazire”, sipas Scotland Yard.
Ky ishte incidenti i dytë në ditën e dytë që publiku u ftua të kalonte para arkivolit të Mbretëreshës.
A man has been arrested in Westminster after rushing towards the Queen’s coffin & allegedly attempting to remove the royal standard. Photos show police restraining the man, who made it up the catafalque & touched the Queen’s coffin #Queen #QueenElizabeth #QueenElizabethII pic.twitter.com/uLbbtTAVf9
— Lesha No Whey (@ShellyLuvsLisa) September 17, 2022
Më herët të premten, një burrë u akuzua se kishte sulmuar seksualisht dy gra që prisnin në një radhë të gjatë për të parë arkivolin e Mbretëreshës.
Prezenca e policisë është shtuar në të gjithë Londrën pasi turmat u mblodhën për të nderuar Mbretëreshën Elizabeth, e cila vdiq javën e kaluar në moshën 96-vjeçare.
Rreth 7.5 milionë euro janë shpenzuar për forcimin e sigurisë për funeralin e Mbretëreshës Elizabeth, i cili do të kulmojë me varrimin e saj të hënën.
Deri në një ditë në radhë për pelegrinazhin në trupin e saj
Ndërkohë më shumë se një ditë do të duhet të pritet që dikush të arrijë dhe të bëjë nderime për trupin e Mbretëreshës Elizabeth në Westminster Hall pas radhës së gjatë.
Në veçanti, për më shumë se shtatë orë hyri në fuqi pauza e kërkuar nga autoritetet britanike për pjesëmarrjen në radhën e Westminsterit, ku trupi i mbretëreshës Elizabeth është ekspozuar në pelegrinazh. Pak para mbylljes, radha në rrugët e Londrës arriti në 8 km, ndërsa pritja i kaloi 14 orë. Tani, koha e parashikuar e pritjes i kalon 24. /tesheshi.com/
