Qeveria Hollandeze do të lejojë mjekët të eutanizojnë fëmijët midis moshës 1 dhe 12 vjeç, dhe që vuajnë nga një sëmundje vdekjeprurëse e pashërueshme.
Vendimi erdhi pas debatit disa muajsh brenda koalicionit qeverisës.
Ministri i Shëndetësisë i vendit, Hugo de Jonge, tha se ndryshimi ishte i domosdoshëm për shkak të “numrit të vogël të fëmijëve që janë të sëmurë përfundimisht dhe që janë në agoni, pa asnjë shpresë, duke kaluar vuajtje të padurueshme”.
Qeveria vlerëson se rregullat e reja, duke eleminuar kërcënimin e ndjekjes penale të mjekëve, do të prekin pesë deri në dhjetë fëmijë në vit që nuk shpresojnë të përmirësojnë gjendjen e tyre.
Belgjika u bë vendi i parë që lejoi eutanazinë vullnetare të fëmijëve në 2014 kur lejoi eutanazinë me ligj në rastet kur një pacient i ri është i sëmurë terminal dhe ka dhimbje të mëdha. Dy fëmijë belgë të moshës 9 dhe 11 vjeç ishin të parët që u eutanizuan, në 2016 dhe 2017.
Eutanazia tashmë është e ligjshme në Hollandë për fëmijët mbi moshën 12 vjeç, nëse pacienti dhe prindërit japin pëlqimin e tyre. Bebet deri në 1 vjeç mund të përfundojnë edhe me pëlqimin e prindërve.
Që nga viti 2002, mjekët kanë qenë në gjendje të eutanizojnë të rriturit në Holandë në rastet kur kjo konsiderohet një kërkesë vullnetare dhe e mirë-konsideruar në kontekstin e vuajtjeve të padurueshme nga të cilat nuk ka asnjë perspektivë përmirësimi ose mjekësie alternative.
Vitin e kaluar, 6,361 raste të eutanazisë u regjistruan në vend – pak më shumë se 4 përqind e vdekjeve totale të vendit. Nga kjo, 91 përqind ishte për shkak të kushteve terminale mjekësore.
Pjesa tjetër e rasteve të eutanazisë përfshin sëmundje të rënda psikiatrike. /tesheshi.com/
