Hollanda urdhëroi dëbimin e dy diplomatëve rusë të dyshuar për spiunim në sektorin e teknologjisë së lartë të enjten, njoftoi agjencia e inteligjencës shtetërore AIVD.
Një nga diplomatët, një punonjës i agjencisë së inteligjencës së jashtme ruse SVR, “spiunoi teknologjinë dhe fushat shkencore”, tha AIVD.
“Agjencia e inteligjencës ruse ka zhvilluar kontakte me njerëzit që kanë qasje në informacione të ndjeshme nga sektori i teknologjisë së lartë,” shtoi deklarata, sipas Reuters.
“Interesi i oficerit të inteligjencës ruse ishte të merrte sa më shumë informacion në lidhje me inteligjencën artificiale, gjysmëpërçuesit dhe nanoteknologjinë. Shumë nga këto teknologji kanë përdorime civile dhe ushtarake”.
Në vitin 2018, Hollanda parandaloi një përpjekje të inteligjencës Ruse për të hakuar Organizatën për Ndalimin e Armëve Kimike në Hagë. /tesheshi.com/
