Politikani holandez i krahut të djathtë Geert Wilders është zotuar se do t’ua “kthejë vendin holandezëve”, pasi sondazhet treguan se Partia e tij e Lirisë (PVV) fitoi shumicën e vendeve në zgjedhjet parlamentare.
“Ne do të duhet të gjejmë mënyra për të justifikuar shpresat e votuesve tanë, për t’i kthyer holandezët në vendin e parë,” tha ai në një konferencë shtypi.
Ai tha se tani është koha që palët të kërkojnë marrëveshje.
“Ne nuk mund të injorohemi”, tha Wilders.
PVV fitoi 35 vende, ndërsa Partia Popullore liberale për Liri dhe Demokraci (VVD) e kryeministrit në largim Marko Rutte fitoi 26 vende, treguan sondazhet.
Sipas exit poll-eve, këto parti fituan gjithsej 41 mandate në këto zgjedhje.
Shumë parti kanë njoftuar më herët se nuk do të hyjnë në koalicion me Wilders, ndaj nuk dihet ende se kush do të formojë qeverinë e re dhe gjithçka do të varet nga koalicionet paszgjedhore.
Këto zgjedhje do t’i japin fund mbretërimit 13-vjeçar të ish-kryeministrit Marko Rutte, i cili nuk kandidoi për postin.
Geert Wilders njihet ndryshe si një islamofob, ndër më famëkeqinjtë e sojit të tij në politikën europiane. /tesheshi.com/
