Facebook ka lëshuar një aplikacion të ri, i cili tani për tani po garon me Pinterest-in tashmë të famshëm dhe të suksesshëm. Facebook njoftoi vitin e kaluar se një ekip do të punonte për të krijuar në mënyrë eksperimentale pwr aplikime të reja jashtë markave kryesore të kompanisë.
Sipas portalit The Information, aplikacioni i ri në Facebook duket “i tmerrshëm”. Me emrin Hobi, ai ka për qëllim ndarjen e fotografive në të cilat mund të regjistroni dhe organizoni procesin tuaj krijues. Këto përfshijnë gatimin, pjekjen, artin, zanatet, fitnesin, dekor të shtëpisë dhe më shumë.
Ideja është që ky aplikacion të përdoret nga të gjithë ata që kanë hobi të veçantë dhe dëshirojnë të ndajnë mënyrat e tyre të punës me të tjerët, dhe që njerëzit e tjerë të ndjekin përparimin e tyre me kalimin e kohës. Ende nuk ka asnjë mënyrë për të shkëmbyer përmbajtje në rrjetet sociale, por ajo ofron mundësinë për të krijuar videot e projektit pasi të jenë përfunduar, raporton atv.com
Aplikacioni Hobi u lëshua për herë të parë në Kolumbi, Belgjikë, Spanjë dhe Ukrainë, por mund të shkarkohet në Amerikë që nga mbrëmja e së enjtes.
Ai është në përputhje me pajisjet iPhone, iPad dhe iPod touch duke filluar me iOS 11 dhe më lart. /tesheshi.com/
