Jeff Bezos bëri ditën e tij të fundit të punës në krye të Amazon në fund të javës së kaluar, duke ia lënë drejtimin ish-CEO të Amazon Web Services, Andy Jassy.
Kjo shënon fillimin e një epoke të re në biznesin e kompanisë, e cila vitin e kaluar kishte të ardhura vjetore prej 386 miliardë dollarë nga shitjet elektronike, llogaritja në re, inteligjenca artificiale dhe prodhimi i filmit.
Bezos tani do të përqendrohet në Blue Origin, një kompani e eksplorimit të hapësirës.
Ngjarja e parë e madhe e pret atë më 20 korrik, kur raketa New Shepard, e projektuar për gjashtë pasagjerë, duhet të ngrihet në një lartësi prej më shumë se 100 kilometra mbi sipërfaqen e Tokës.
Dorëzimi i frenave të Amazon vjen në një kohë kur kjo kompani po përballet me një numër kritikash në lidhje me sigurinë shëndetësore të punëtorëve, si dhe mospagimin e taksave. Dhe sa e rriti pasurinë vetë Bezos ndërsa ishte në krye të Amazon?
Sipas Forbes, kjo është 196 miliardë dollarë më shumë se në vitin 1998, kur Bezos u shfaq për herë të parë në listën e 400 amerikanëve më të pasur.
Jeff Bezos aktualisht peshon 202 miliardë dollarë, sa për t’i siguruar atij titullin e njeriut më të pasur në botë.
Bezos u bë një miliarder në vitin 1998, një vit pasi Amazon doli në publik, kur biznesi filloi të zgjerohej përtej shitjeve të librave dhe çmimi i aksioneve ishte 7.47 dollarë (sot është në nivelin e 3.510 dollarë).
Për më shumë se dy dekada, perandoria e Amazon është zgjeruar në informatikë cloud, transmetim, prodhim filmi, ushqime …, të gjitha me premtimin e ish-shefit që ai “do të bëhet punëdhënësi më i mirë në botë”. /tesheshi.com/
