Anniesa Hasibuan, stilistja muslimane nga Indonezia, ka paraqitur koleksionin e saj në javën e modës në Nju-Jork.
Ashtu si dhe në koleksionin e bërë të njohur vjeshtën e shkuar në të njëjtin qytet, elementi kryesor në veshjet e kësaj stilisteje ka qenë hixhabi.
Stilistja ka treguar se modelet janë zgjedhur mes emigranteve të brezit të parë dhe të dytë, duke dashur të përcjellë idenë se moda është për këdo.
“Në larmi dhe dallime ka bukuri,” i tha ajo AFP-së. “Besoj se të jesh një stiliste mund të sjellësh shumë ndryshime. Sigurisht, ndryshime të bukura.” /tesheshi.com/
