Qershorin e kaluar fotografja amerikane Allison Joyce mori pjesë në martesën e 15 vjeçares Nasoin Akhter dhe 32 vjeçarit Mohammad Hasamur Rahman, në Manikgani të Bangladesh.
“Nusja më e trishtë që kam parë”, komentoi Joyce në profilin e saj në Instagram. Në imazhet që gjeni bashkëngjitur nusja e vogël i mban sytë ulur dhe shihet e trishtuar.
Ajo e Nasoin është një nga historitë e shpeshta në Bangladesh, një vend ku varfëria dhe tradita shtyjnë shumë familje që t’i martojnë vajzat kur janë ende të vogla.
Një raport i Human Rights Watch, tregon se si 29% e vajzave jepen si nuse te meshkuj shumë më të mëdhenj në moshë para se të mbushin 15 vjeçe, ndërsa 65% e tyre martohen pa arritur të 18-at.
Nuset- fëmijë janë të detyruara të lënë shkollën dhe të marrin përsipër rolin e gruas dhe të nënës. Sipas raportit të Human Rights Watch thuhet se vajzat që ngelin shtatzënë mes moshës 15 dhe 19 vjeçare rrezikojnë dyfish më shumë që të vdesin gjatë lindjes, krahasuar me ato mbi 20 vjeçe.
Duke martuar vajzat kaq të vogla, shpesh familjet tentojnë që ti largojnë nga dhuna dhe ngacmimet, por raporte të ndryshme tregojnë se një pjesë e mirë e tyre dhunohen barbarisht edhe në shtëpinë e re ku shkojnë./tesheshi.com/
