Papa Françesku mbërriti në Emiratet e Bashkuara Arabe, në një vizitë të cilësuar si “historike”, pasi është hera e parë që “vë këmbën” në gadishullin arabik.
Kreu i Vatikanit është pritur me të gjitha nderimet nga autoritetet e Abu Dhabit, ku në ceremoninë e mirëseardhjes nuk mungonin as tupanat e dajret, sipas një tradite vendase të mikëpritjes.
Papa do të qëndrojë në Abu Dhabi deri të martën, më 5 shkurt.
Ai do të marrë pjesë nesër në konferencën ndërfetare dhe para kthimit për në Romë do të mbajë një fjalim në publik, drejtuar komuniteteve të krishtera që jetojnë e punojnë në vendin arab. Ata janë emigrantë, kryesisht nga Filipinet dhe India. /tesheshi.com/
