Barack Obama do të vizitojë Hiroshimën. Do të jetë pikërisht ai presidenti amerikan që do të mbajë homazh në kujtim të viktimave të bombës atomike të hedhur nga Shtetet e Bashkuara të Amerikës në Japoni në vitin 1945.
Vizita do të zhvillohet më 27 maj, në fund të udhëtimit të Obamës në Azi në datat 21 deri më 28 maj. “Presidenti do të zhvillojë vizitën historike në Hiroshimë në praninë e kryeministrit Shinzo Abe, për të nënvizuar impenjimin për mbajtjen e paqes dhe sigurisë në botë, pa armë nukleare”, – thuhet në një deklaratë të Shtëpisë së Bardhë.
Gjatë vizitës në Hiroshima, Obama nuk do të kthejë në vëmendje vendimin e shteteve të Bashkuara për hedhjen e bombës atomike gjatë Luftës së Dytë Botërore. Lajmi është konfirmuar nga Ben Rodhes, këshilltari i sigurisë kombëtare të Shtëpisë së Bardhë, duke nënvizuar se ka ardhur momenti i duhur për të bërë këtë udhëtim. Në muajin prill ishte sekretari i shtetit John Kerry ai që vizitoi Memorialin e Paqes. /tesheshi.com/
