Nuk iu nevojit ndihma e sulmuesit më të mirë, Jamie Vardy, që Leicester City të triumfoj në udhëtim ndaj Swansea-s, 0-3. Sensacioni i këtin sezoni në Premier Ligën angleze, falë këtyre tre pikëve rrëmben pozitën e parë në klasifikim dhe tani numëron 32 pikë.
Jamie Vardy-n në këtë duel e ka zëvëndësuar Riyad Mahrez i cili realizoi het trik, për të mbyllur një ndeshje të kompletuar, 3 gola për 3 pikë. Kështu, djelmoshat e Claudio Ranierit, shfrytëzojnë në maksimum rrëshqitjet e skuadrave, që nga Manchesteri, City dhe United, për të marrë kryesimin e kampionatit.
Arsenal-i nuk i ndjen mungesa, triumfon ndaj Sunderland-it
Arsene Wenger i’a ka dalë mbanë me formacionin e tij triumfues në ndeshjen përballë Sunderland-it 3-1. Përkundër mungesave të shumta, topçinjtë regjistrojnë një fitore morali përballë sfidës jetike ndaj Olympiacos-it, në kuadër të Ligës së Kampionëve.
Katalizatorë të kësaj fitore të londinezëve ishin Joel Cambell, Olivier Giroud dhe Aaron Ramsey.
Më këtë triumf, Arsenali renditet në vendin e dytë të renditjes me dy pikë pas skuadrës së Leicester City-t.
Ngec United, ndalet në shtëpi pa gola nga West Ham United
“Djajtë: kanë zhgënjyer edhe njëherë me paraqitjen e tyre pasi kanë gabuar sërish, duke luajtur pa gola në shtëpi ndaj West Ham United. Një ndeshje me pak raste shënimi dhe një lojë anemike nga të përzgjedhurit e holandezit Luis van Gaal, i cili shënjestrohet edhe njëherë nga tifozët për lojën dhe formën e dobët që po kalon skuadra e Manchester United.
Dhe “tragjedia” me emrin Chelsea
Kampionët në fuqi jo vetëm po e humbasin kurorën e më të mirit në kampionatin anglez, por po shkruajnë një histori “tragjike” duke vijuar rezultatet negative nga java në javë. Skuadra e Chelsea-s, këtë fundjavë u mposht në shtëpi nga Bournemouth (0-1), për të mbetur kështu në pjesën e poshtme të klasifikimit.
Sikur të mos mjaftonin rezultatet negative, Mourinho tashmë ka prishur çdo kontakt me sulmuesin e tij, Diego Costa-n, që qëndroi gjatë pjesës së parë në stol. /tesheshi.com/
