Në Maqedonia sot është bërë histori në një farë mënyre.
Telat Xhaferi ka hapur seancën e Parlamentit në gjuhën shqipe, ç’ka nuk ka ndodhur ndonjëherë, ndërkohë që forca të shumta policore kanë rrethuar Kuvendin që të mos kete ngjarje si ajo e 27 prillit.
Por menjëherë pas fjalës së Xhaferrit kanë reaguar deputetët e VRMO-DPMNE-së që e kanë akuzuar se shkelet rregullorja pasi gjuha zyrrtare e Parlamentit është maqedonishtja.
Por ia ka kthyer menjëherë kryetari i Kuvendit që ka thënë se ai po respektonte pikë për pikë Rregulloren e Kuvendit, i cili lejon dygjuhësinë.
Sot ka nisur në Kuvendin e Maqedonisë, seanca për votimin e qeverisë së re të mandatuar të Zoran Zaevit., Zaev ka shpalosur programin e tij ndërsa pitet të ketë diskutime të gjatë dhe të ashpra nga opozita.
Është planifikuar që seanca parlamentare të zgjasë deri pas mesnate, ndërkohë që forca të posaçme policore janë futur edhe brenda Kuvendit për të parandaluar një tensionim të situatës, pasi pritet që të ketë përlasje të forta në diskutime dhe ka gjasa që të ketë grumbullime të njerëzve të Gruevskit nga jashtë./tesheshi.com/
