Partia opozitare maqedonase VMRO-DPMNE ka filluar për herë të parë të lëshojë deklarata në gjuhën shqipe. Qendra për komunikim e kësaj partie, për dallim nga herët e tjera, urimin dhe fjalimin e kryetarit të saj Hristijan Mickoski, mediave në gjuhën shqipe ua kishte dërguar në shqip.
VMRO-DPMNE, nëpërmjet urimit për vitin e ri i cili ishte i përkthyer në gjuhën shqipe, në vitin 2018 paralajmëron se me këto media planifikon të komunikojë në “gjuhën e nënës” së tyre.
Kjo risi filloi ngs partia e LSDM-së së Zaevit, ku vitin e kaluar para zgjedhjeve të parakohshme parlamentare, kumtesat për media i dërgonte po ashtu shqip.
Ajo që vlen të përmendet për partinë opozitare maqedonase, është se VMRO ka plot 60 ditë që ka përkrahur protestat kundër zyrtarizimit të gjuhës shqipe dhe deklaratës së përbashkët të partive politike shqiptare që sollën Zaevin në qeverisje. /tesheshi.com/
