Lidhja e Historianëve të Kosovës “Ali Hadri” dega Deçan, i ka bërë thirrje gjykatësve shqiptarë të Gjykatës Kushtetuese që të tërheqin nënshkrimet për vendimin në rastin e Manastirit të Deçanit.
Përmes një thirrje publike, Lidhja e Historianëve ka thënë se vendimi i kushtetueses është marr në presionin e faktorit ndërkombëtar dhe atij vendor.
Lexoni letrën e plotë të historianëve nga Deçani:
Lidhja e Historianëve të Kosovës “Ali Hadri” dega në Deçan, është duke e përcjellur me interes të shtuar procesin për kundërshtimin e Aktgjykimit të Gjykatës Kushtetuese të Republikës se Kosovës të datës 20 maj 2016, për faljen e pronave të Ndërmarrjeve publike “Apiko” dhe “Iliria” për Manastirin e Deçanit.
Lidhja e Historianëve të Kosovës “Ali Hadri” dega në Deçan, i benë thirrje publike tri gjykatësve shqiptarë të Gjykatës Kushtetuese Arta Rama-Hajrizi, Selvete Gërxhaliu-Krasniqi, Gresa Caka-Nimani si dhe gjykatësit Altay Suroy, që të tërheqin nënshkrimet nga Aktgjykimi Nr.943/16, i cili është vendim anti kushtetues dhe i bazuar në vendimet e kohës se masave të dhunshme.
Ne vlerësojmë se vendimi i kushtetueses është marrë në presion e faktorit ndërkombëtare dhe atij vendore, andaj me tërheqjen e nënshkrimeve të gjykatësve Arta Rama-Hajrizi, Selvete Gërxhaliu-Krasniqi, Gresa Caka-Nimani si dhe gjykatësit Altay Suroy, është një dëshmi se ata janë kundër legjitimit të vendimeve të kohës se Milliosheviqit.
Lidhja e Historianëve të Kosovës “Ali Hadri” dega në Deçan, e përsërit edhe një herë qëndrimin e saj, se vendimi i kushtetueses i bazuar në ligjet e kohës se masave të dhunshme është në kundërshtim me vullnetin e gjithë qytetarëve të Komunës se Deçanit. Prandaj si i tillë ky vendim nuk do të zbatohet.
Në fund të kësaj komunikate, Lidhja e Historianëve të Kosovës “Ali Hadri” dega në Deçan, i bene thirrje publike gjithë qytetarëve të Komunës se Deçanit por edhe me gjerë që me datën 16 qershor 2016, pikërisht në përvjetorin e çlirimit të qytetit të Deçanit, të bashkohemi në protestën e madhe në kundërshtim të vendimit anti kushtetuese dhe anti ligjore të Gjykatës Kushtetuese të Republikës se Kosovës, protestë kjo e thirrur nga Kryetari i Komunës se Deçanit Rasim Selmanaj dhe Komisioni Komunal i ngritur nga Kuvendi i Komunës se Deçanit.
Lidhja e Historianëve të Kosovës “Ali Hadri” dega në Deçan, i përkrah të gjitha aktivitete kundërshtuese të organizuara nga Kryetari dhe Komuna e Deçanit, andaj si e tillë është pjesë e gjitha aktiviteteve.
/tesheshi.com/
