Dega e Deçanit e Lidhjes së Historianëve të Kosovës “Ali Hadri” bllokon të premten nga ora 11:00 deri 12:00, në mënyrë paqësore, rrugën në afërsi të manastirit të Deçanit, në shenjë kundërshtimi ndaj vendimit të institucioneve të drejtësisë të cilat siç thuhet, po tentojnë që dhunshëm t’i njohin pronësinë ndaj pronave dhe ndërmarrjeve “Apiko” dhe “Iliria” manastirit të Deçanit
Në njoftim thuhet se “bllokimi i rrugës vjen edhe si kundërshtim ndaj jetësimit të vendimeve të kohës se masave të dhunshme gjegjësisht të kohës së Sllobodan Millosheviqit të viteve 1989-1999”.
Lidhja e Historianëve bën të ditur kanë ftuar të gjitha palët për maturi dhe përmbajte dhe rikonfirmon se ky aktivitet është aktivitet paqësor dhe demokratik, andaj fton për reflektim nga gjitha institucionet e Kosovës.
“Aktiviteti ynë është njoftuar edhe në Stacionin e Policisë se Republikës se Kosovës në Deçan me shkresën Nr.54/17 të datës 25 prill 2017”, thuhet në njoftimin e Kryesisë së LHK “Ali Hadri”, dega në Deçan. /tesheshi.com/
